Weeraryahankii hore ee Manchester United Louis Saha ayaa dhaleeceeyay Saxiixa cusub ee kooxda Man United ee Mason Mount.
Mount ayaa Man United ugu soo biiray lacag dhan 60 milyan oo euro isaga oo kaga soo biiray kooxda chelsea.
Mount ayaa ku guuldareystay inuu wax saameyn ah ku yeesho Manchester United, waxaana uu caawiyay kaliya hal gool lix kulan oo uu la qaatay Red Devils tartamada oo dhan.
Manchester United ayaa laga badiyay kala bar kulamadii ay ciyaartay xilli ciyaareedkan horyaalka Ingiriiska, waxaana laga badiyay labo kulan oo Champions League ah.
Saha ayaa yiri: “Manchester United waxay ku tiirsan tahay hal ama labo ciyaaryahan si ay u abuurto fursado, welina ma arkin wax uu Mount sameeyay dhinaca samaynta fursadaha, ma aanan arkin wax fiican oo uu sameeyay kulankii Brentford “.
Waxa uu hadalkiisa raaciyay: “Waxaan rajeynayaa in ciyaartoyda ay dib u helaan qaab ciyaareedkooda, hadii ay taasi dhacdo ma jirto cid dooni doonta in ay ka hor tagto”.
“Waxaan u maleynayaa in Mount uu aad fiicnaan karo maadama uu si fiican ugu ciyaari jiray chelsea”.
“Marka aan qiimeeyo waxa aan arkay Mount ma soo bandhigin qaab ciyaareed aad u waali ah ilaa haatan”.
